حوارُ صحفي مع الفاشون ديزاينر المبدعة منى نور
الجميعُ يمسكُ قلما ويرسم، والبعض يحلم بالتصميم ولكن من الصعب أن يجتمع الرسم والموهبة مع التصميم وحب المهنه لنتعرف عن الفاشون ديزاينر منى نور من هي، وكيف كانت مسيرتها في هذا المجال؟
1_عرفينا عنك؟
انا منى نور الدين عندى 22 سنه
من النوباريه محافظة البحيرة
كليه دراسات اسلاميه
2-أمتى عرفتي إنك موهوبة؟وامتى بدأت مسيرتك في الفاشون؟
بدات ف مشوار الفاشون من 3 سنيين تقريبا
3-مارستي الموهبة عن طريق كوريات ولا شوفتي انك مش محتاجه ؟
انا ف العمووم بحب الرسم من صغرى وتيته كانت بتشتغل برضو خياطه وتقريبا اخدت الموهبه منها
وبعدين نمتها بكورسات طبعا ❤️
4_ هدفك من الفاشون انك تمارسي موهبتك ولا لشغل؟
وهدفى طبعا من الفاشون مش شغل وبس دى حاجه انا بحبها وبرتاح وانا بعملها 😌❤️
5- ليكِ أعمال صممت في الحقيقة لملابس واقعيه؟
ايوه الحمد لله انا كلل الديزاين اللى عملتها طبقتها ف الواقع 🤍
6-من هو مثلك الأعلى في الفاشون؟
هو مش حد معين لان انا بشوف كل واحد ليه اسلوبه ف الشغل
ممكن يعجبنى فستان لحد معين بس محبش باقى شغله
7- أي الصعاب اللي واجهتك في الأول وإزاي اتغلبتي عليها؟
فقدان الشغف دى الحاجه الوحيده اللى ممكن اقول عليها انها كانت عائق بالنسبالى ولحد الان انا ممكن يجيلى اوقات اكون عاوزه اوقف بس الحمد لله بقدر اتغلب عليها بتشجيع اللى حواليا وكمان لما الاقى الديزاين اللى عملته قدرت احققه ف الواقع دا بيبقى دفعه قويه اووى بالنسبالى
8- أي الأشياء اللي بتفضلي تصمميها؟
الدريسات السواريه والكاجوال بس بميل اكتر للسواريه لان فيه ابداع اكتر ❤️
9- ما سر النجاح في الفاشون من رأيك؟
سر النجاح ف مجال الفاشون هو البصمه بتاعتك خلى عندك تميز ف تصميماتك وخلى ليكى البصمه اللى تخلى اى حد يشوف اى فستان ليكى يقول دا تصميم كذا 🤍
10 - نصيحتك للمبتدأين في مجال الفاشون أو أي مجال تاني؟
متخليش اى حد يحبطك ويقلل من عزيمتك خلى كلامهم ورا ضهرك وخليه دفعه ليكى انك تثبتى العكس ليهم وتعرفيهم انك تقدرى
لان ف البدايه هتلاقى اللى يشجعك وهتلاقى برضو اللى بيحبطك ويكسرك بكلامه بقصد وبدون قصد
ومتخلييش فقدانك للشغف يوقفك فتره طويله خدى بريك اعملى حاجه بتحبيها رجعى شغفك وارجعى لشغلك بقوه اكبر 🤍
تعليقات
إرسال تعليق